Մթնոլորտ

Այժմ Էկոլոգիական ամենակարևոր խնդիրներից մեկը օդի աղտոտումն է:
2020-թ. սկսած տարեկան 3,6մլն մարդ կմահանա օդի աղտոտվածությունից, այդպիսի եզրահանգման են եկել Տնտեսական զարգացման և համագործակցության կազմակերպան փորձագետները։
Clean air Asia էկոլոգիական խումբը հայտնում է, որ օդի աղտոտվածության պատճառով յուրաքանչյուր տարի ասիայում մահանում է 800.000 մարդ, այդ մասին հայտնում է ozemle.net կայքը, իսկ ամբողջ աշխարհում ավելի քան 20 մլն, այդ մասին տեղեկացնում է Russia Today-ը՝ CNN-ին հղումով։ Աղտոտվածության ամենաբարձր մակարդակը տիրում է Արևելյան Ասիայում, որից հետո գալիս են Հնդկաստանը և Հարավարևելյան Ասիան։ Սակայն արևմտյան երկրներում նույնպես զոհեր են լինում ծխի և փոշու պատճառով։

Մթնոլորտի աղտոտումը լինում է տեղական ու գլոբալ: Տեղական աղտոտումը գլխավորապես, կապված է քաղաքների ու խոշոր արդյունաբերական ձեռնարկությունների առկայության հետ: Մարդկությանը վաղուց հայտնի է այս կարգի աղտոտման մասին: Օրինակ՝ նաիրիտի քիմիական գործարանը, Երևանի մաքուր երկաթի գործարանը և այլն։ Նաիրիտի գործարանում տեղի ունեցած պայթյունի հետևանքով բռնկված հրդեհից շրջակա միջավայրը անմիջապես ծածկվում է սև թանձր ծխով, դա շատ զգալի էր հատկապես Նայրիտից 3-4 կանգառ հեռավորության վրա գտնվող Գարեգին Նժդեհի հրապարակում: Այդ թաղամասերը խտաբնակ են, կան բազմաթիվ դպրոցներ և մանկապարտեզներ: Մթնոլորտ են նետվում քիմիական նյութերի այրումից առաջացած քաղցկեղածին դիօքսիններ և այլ թունավոր նյութեր, որոնք ոչ միայն աղտոտում են մթնոլորտը այլև միաժամանակ վտանգում են բնակչության առողջությունը:

Օդի աղտոտվածության պատճառներն են արդյունաբերությունը, գյուղատնտեսությունը, կենցաղը, փոխադրամիջոցները։

Օդի աղտոտվածությունը անմիջական կապ ունի նաև մեր առողջության հետ։ Օդի աղտոտվածության պատճառով են առաջանում բռոնխիտ, ալերգիաներ, մաշկային, շնչառական, աչքերի և սրտի հետ կապված լուրջ հիվանդություններ։ Շնչառական օրգանների հիվանդությունները առաջանում են օդում առկա մասնիկների՝ փոշու, հեղուկի մանր կաթիլների, ծխի, մրի քանակի հետևանքով, այդ մասնիկները կարող են ներթափանցել թոքային հյուսվածքներ՝ առաջացնելով քաղցկեղ, ասթմա և այլ վտանգավոր հիվանդություններ։

Բրիտանական Lancet բժշկական պարբերականում հրապարակված վերջին հետազոտության տվյալները ցույց են տալիս, որ օդի ուժեղ աղտոտվածություն ունեցող տարածաշրջաններում բարձր է սրտի կաթվածից մահանալու վտանգը։ Գիտությունների ազգային ակադեմիայի կողմից հրապարակված մեկ այլ հետազոտության արդյունքների մեջ ասվում է, որ օդի աղտոտվածության պատճառով Չինաստանում կյանքի տևողությունը կրճատվել է 5.5 տարով։ Իսկ ինչ վերաբերում է մթնոլորտը աղտոտումից պահպանելուն պետք է շատացնել բուսականութուն և դրա հետ մեկ տեղ պահպանել այն։

Աղբյուրներ՝   http://life.mediamall.am/?id=39258

                        http://www.slideshare.net/GevSon/ss-28727867

                        http://www.slideshare.net/Annagspoyan/ss-16066675

                        http://www.slideshare.net/67gayane/ss-12718848